Dalabarak ita sempre rona liafuan ida interesse ne’e, hanesan ezemplu, “ha’u la interesse ida“, “ó interesse saida iha ne’e?“, “interessante tebes!“, “konflitu interesse“, nst. Maibé lee na’in sira hatene ka lae saida mak interesse ne’e?

Liafuan ida ne’e, ninia orijen ne’e mai husi Lian Latina, la muda ninia forma eskrita, maibé ninia sentidu ne’e katak atu iha entre ka atu ezisti iha prezente. Klaru katak liafuan ida ne’e la ezisti iha Lian Tetun, tanba ne’e hanesan baibain ita empresta fali husi Lia-Portugés, ho forma eskritu ne’ebé hanesan, no signifikadu lubuk ida, katak buat ruma ne’ebé mai husi ema ruma, proveitu ruma, lukru ruma, vantajen ruma, empeñu ruma, juru kapital nian, atensaun espontánea dirije ba sasán ka atividade ruma, kualidade ruma ne’ebé bele atrai atensaun ka kuriozidade, buat importante sira, no utilidade.
Interesse designa iha psikolojia dispozisaun ba juízu ida dirije ba iha asaun ka aktividade ruma: ho nune’e mak ema ida diferensia ho ema seluk no hamosu buat ida naran atrasaun tantu ba ema ka ba sasán ruma. Entretantu interesse ne’e la hanesan ho motivu, tanba nia refere ba juízu husi konsekuénsia ba asaun ne’ebé ema ida atu halo.
Bainhira ema sira koopera atu halo objektivu ida ne’ebé hanesan, entaun ezisti armonia de interesse. Entretantu sira la kopera, ka interesse ne’e la hanesan, entaun ezisti konflitu de interesse, no iha ne’e mak Direitu ezisti para bele rezolve konflitu de interesse sira ne’e.
Se itaboot sira interessadu hakarak lee publikasaun sira seluk, bele klike iha artigu sira tuirmai ne’e:
Leave a Reply