Liafuan ida modalidade ne’e mai husi Lian Latina, “modalitas“, ne’ebé kompostu husi liafuan “modus” katak maneira ka oin-ida, no sufiksu”-itas“, katak kualidade ka estadu ida. Portantu, modalidade katak kualidade ka kondisaun sira atu sai buat ruma ka iha maneira ka modu ruma. Loloos liafuan ne’e ninia huun mak Modu katak maneira ka forma ruma. Liafuan ida modal iha Lian Indonéziu ne’e refere kedas ba kompreensaun jeral husi termu ida ne’e.

Iha publikasaun ida ne’e tomak itaboot sira sei haree termu foun sira, tuirmai mak liafuan hirak ne’ebé mai husi modu ho ninia signifikadu rasik:
- Modalidade: refere ba iha forma oioin ruma ka tipu ka kategoria ruma. Tantu desportivu, siénsia, arte, nst.
- Modular: relasiona ho kapasidade atu sai moduladu ka ajustadu ka organizadu tuir estrutura espesífika ruma.
- Modela: signifika katak kria ka forma buat ruma tuir modelu ka padraun ruma.
- Modulasaun: refere ba variasaun ka ajusta ba sinal ruma, són ka laloran ka ondas hanesan iha múzika ka elektrónika.
- Modéstia: relasiona ho ema ida-nia kualidade atu sai modestu, ka la hatudu-an demais ho buat ruma ne’ebé nia bele. Liafuan seluk husi haraik-an.
- Modifika: Signifika katak altera ka halo mudansa ba buat ruma.
- Modus Operandi: Ekspressaun iha Lian Latina hodi refere ba iha “modu ba operasaun“, iha ne’ebé, baibain uza atu deskreve maneira oinsá mak bele halo buat ida, ka hahalok krime ruma (ida ne’e termu ida iha Direitu Penal nian).
Até ita koñese liafuan ida ne’e hodi hatuun ema seluk, hanesan liafuan modelu la iha, nst. no mós liafuan sira seluk hanesan moda, model, modernu, mode pesawat, nst.
Leave a Reply