Mota Pinto

Mota Pinto

Carlos Alberto da Mota Pinto, moris iha loron 25 fulan jullu iha tinan 1936 no mate iha loron 7 fulan maiu tinan 1985. Ema ida ne’e mak jurista no polítiku ida husi Portugal.

Mota Pinto mak professor ida mós husi Faculdade de Direito Universidade de Coimbra nian, iha ne’ebé ninia teoria influensial tebes iha área Direitu Sivil nian. Iha Universidade de Coimbra, nia hanorin matéria Teoria Geral do Direito Civil, Direito das Obrigações, Direitos Reais no Direitu Públiku ba Ekonomia nian.

Nia mak autor ba manual Teoria Geral do Direito Civil nian. Manual ida ne’e mak permanese nu’udar referénsia ne’ebé susessiva ba estudante sira iha Faculdade de Direito Universidade de Coimbra nian. Universidade barbarak sira seluk, inklui Universidade Nasional Timor-Lorosa’e mós opta hodi uza ninia libru sira nu’udar referénsia. Aleinde hanorin iha Universidade Coimbra, nia hanorin mós universidade Universidade Católica Portuguesa, nune’e mós iha universidade sira seluktan.

Mota Pinto
Mota Pinto

Depoizde loron 25 fulan Abril tinan 1974, Mota Pinto ajuda harii Partido Popular Democrático (PPD), iha ne’ebé daudadun ne’e naran fali Partido Social Democrata (PPD/PSD). Iha partidu ne’e mak figura koñesidu sira hanesan Francisco Sá Carneiro, Francisco Pinto Balsemão no Joaquim Magalhães Mota involve no kria fali partidu polítiku sosial-demokrata ida husi Portugal.

Nia assume kargu nu’udar Deputadu, no Ministru ba Komérsiu no Turizmu nian, Primeiru Ministru ba IV Governu Konstitusional Portugal nian (husi tinan 1978 to’o1979). Ikusmai assume mós kargu nu’udar Vise-Primeiru-Ministru no Ministru ba Defeza Nasional ba IX Governu Konstitusional Portugal nian (husi tinan 1983 to’o 1985).

Leave a Reply