José (naran imajinativu) sosa Maria (naran imajinativu) ninia televizaun ho presu USD $ 200. Maibé lakohi selu. Tuir itaboot sira-nia hanoin títulu ezekutivu ida ne’ebé bele serve nu’udar baze ba asaun ezekutivu mak saida?
- Deklarasaun Suku nian
- Dokumentu ruma husi polísia
- Fotografia husi televizaun ne’ebé iha hela Maria ninia uma
- Dokumentu autentikadu husi Notariadu ne’ebé importa ba konstituisaun ka rekoñesimentu ba obrigasaun atu selu

Resposta ne’ebé loos mak ida númeru 4 ne’e ho baze husi artigu 669.º númeru 1 alínea b iha Kódigu Prosessu Sivil (KPS), katak Dokumentu autentikadu husi Notariadu ne’ebé importa ba konstituisaun ka rekoñesimentu ba obrigasaun hodi selu.
Itaboot sira iha hela domíniu Prosessu sivil nian, iha ne’ebé nia mak regra lubuk ida ne’ebé dita prosesu atividade tribunal sivil nian. Direitu Prosesual Sivil fali mak ramu de Direitu Públiku ida ne’ebé importante tebes, tanba nia sujeita ba Direitu Sivil, nu’udar instrumentu ida atu implementa ba iha realidade ne’ebé konkretu.
Matenek na’in sira sira defini Direitu Prosessual Sivil nu’udar Direitu Adjetivu tanba regula de’it kona-ba prosesu sira ne’ebé tenki hala’o atu hetan rezolusaun ba konflitu, bele dehan nu’udar instrumentu ida atu fó servisu ba rezolusaun konflitu ne’ebé bazeia ba norma sira iha Direitu Sivil (nu’udar Direitu Substantivu), portantu, asaun sira iha prosessu sivil nian destina ba atu realiza direitu substantivu ho efetivu no forma husi aktu prosesual sira reguladu husi lei vijente iha momentu ne’e (haktuir artigu 107º, nº 1 KPS).
Direitu Prosessual Sivil ne’e Direitu Públiku ida tanba nia regula servisu funsaun Estadu nian, ne’ebé reprezenta husi tribunal sira, ne’ebé mak nu’udar órgaun soberanu ida husi órgaun de soberania haat ne’ebé iha Estadu Timor-Leste, aleinde ne’e, Direitu Prosessual Sivil nia funsaun mak atu serbi ba interese públiku, assegura liuhusi dalan justisa públika, pás sosial, no seguransa ba sasán sira.
Tipu ka espésie ba asaun sira iha Direitu Prosessual Sivil nian mak asaun deklarativa no asaun ezekutiva nu’udar artigu 3, n.º 1 KPS estabelese. Asaun deklarativa sira nu’udar artigu 3º, nº 2 KPS prevé, bele de’it: Simples Apresiasaun, Kondenasaun no Konstitutiva sira. Entretantu asaun ezekutiva sira nu’udar artigu 668º KPS prevé mak hanesan: Pagamentu ba kuantia ruma, entrega sasán ruma no prestasaun ba faktu.
Temátika importante sira iha Direitu Prosessual Sivil mak hanesan tuirmai ne’e:
- Direitu Prosessual Sivil ninia Karaterístika sira
- Fontes no integrasaun ba lakuna sira
- Autodefeza iha Direitu Prosessual Sivil
- Saida mak jursidisaun no ninia tipu sira iha Direitu Prosessual Sivil
- Tipu no forma prosessual sivil
- Prínsipiu sira iha Direitu Prosessual Sivil
- Prinsípiu dispozitivu
- Prinsípiu inkizitóriu
- Prinsípiu kontraditóriu
- Prinsípiu igualdade entre parte sira
- Prinsípiu legalidade
- Prinsípiu seleridade prosessual
- Prinsípiu ekonomia prosessual
- Prinsípiu juíz natural
- Prinsípiu grau ba jurisdisaun duplu
- Prinsípiu kooperasaun
- Prinsípiu hirak ne’ebé relativu ba prova: Akizisaun prosessual
- Prinsípiu hirak ne’ebé relativu ba prova: Livre apresiasaun
- Prinsípiu hirak ne’ebé relativu ba audiénsia no produsaun ba prova: Imediasaun
- Prinsípiu hirak ne’ebé relativu ba audiénsia no produsaun ba prova: Konsentrasaun
- Prinsípiu hirak ne’ebé relativu ba audiénsia no produsaun ba prova: Oralidade
- Prinsípiu hirak ne’ebé relativu ba audiénsia no produsaun ba prova: Assisténsia júiz plenu
- Prinsípiu hirak ne’ebé relativu ba audiénsia no produsaun ba prova: Publisidade
- Prinsípiu submissaun ba Direitu Substantivu
- Saida mak pressupostu prosessual sira?
- Personalidade judisiária ka prosessual
- Kapasidade judisiária ka prosessual
- Lejitimidade prosessual
- Falla iha pressupostu prosessual sira no esessaun dilatória
- Saida mak patrosíniu judisiáriu?
- Kompeténsia Tribunal sira nian
- Violasaun ba regra kompeténsia nian
- Konflitu sira iha área kompeténsia nian
- Garantia husi juís sira-nia imparsialidade
- Saida mak tramitasaun prosessual?
- Saida mak petisaun inisial?
- Saida mak valor da causa?
- Ssaida mak formalidade inisial sira?
- Saida mak despaxu inisial?
- Saida mak sitasaun?
- Saida mak notifikasaun?
- Saida mak kontestasaun?
- Saida mak esessaun?
- Saida mak impugnasaun?
- Saida mak rekonvensaun?
- Saida mak prazu prosessual?
- Saida mak litispendénsia ba kazu julgadu?
- Saida mak revelia do réu?
- Saida mak artikuladu superveniente sira?
- Saida mak despaxu saneador?
- Saida mak kestionáriu?
- Saida mak esessaun perentória?
- Saida mak esessaun dilatória?
- Saida mak tentativa ba konsiliasaun?
- Saida mak rekursu?
- Saida mak reklamasaun?
- Saida mak ónus de prova prosessual?
- Saida mak meius de prova?
- Saida mak prosedimentu probatóriu sira?
- Saida mak enunsiasaun?
- Saida mak depoimentu?
- Saida mak tribunal sira-nia poder ofisiozu?
- Saida mak prova legal sira?
- Saida mak prova testemuñal?
- Saida mak prezunsaun sira?
- Saida mak prova dokumental?
- Saida mak prova liuhusi inspeksaun?
- Saida mak prova perisial?
- Valorasaun ba prova sira
- Saida mak audiénsia de diskussaun no julgamentu?
- Saida mak audiénsia?
- Saida mak Julgamentu?
- Saida mak sentensa?
- Saida mak desizaun?
- Saida mak kazu julgadu?
Benvindu mai iha matéria Direitu Prosessual Sivil, se sente todan la presija lee Obrigadu barak!

Leave a Reply