Saida mak Vijénsia?

Liafuan ida vijénsia ne’e mai husi Lian Latina “vĭgentia“, iha ne’ebé assosia ho liafuan “vĭgens“, katak tama iha vigor ka aktivu hela ka vigora ona. Liafuan ne’e tama ba iha Lia-Portugés “vigência” iha ne’ebé utiliza atu denota períodu durante tempu ruma, iha ne’ebé, buat ida iha hela efeitu ka válidu ka aktivu hela.

Bele dehan liafuan vijénsia refere ba períodu ba validade no uza atu indika efikásia ka aplikasaun ka validade temporal husi buat ruma, hanesan lei sira, kontratu sira, akordu sira no tipu husi norma ka regulamentu ruma. Liafuan sira ne’ebé iha relasaun ho liafuan vijénsia mak hanesan tuirmai ne’e:

  • Validade: refere ba kualidade atu sai válidu ka efikas durante períodu ruma.
  • Vigor: bele uza atu deskreve forsa ka efikásia husi buat ruma durante períodu espesífiku ruma.
  • Efikásia: refere ba iha kapasidade atu prodús efeitu ne’ebé ita hakarak ka sai efektivu durante tempu ruma.
  • Tempu: indika durasaun ka períodu ruma, iha ne’ebé, buat ruma tama iha vigór.
  • Períodu: relasiona ho intervalu espesífiku husi tempu ruma, iha ne’ebé buat ruma akontese ka sai válidu hela.
  • Validasaun: hahalok ida atu konfirma ka rekoñese buat ruma ninia validade, hanesan kontratu ruma durante ninia vijénsia.
  • Aplikasaun: refere ba iha ezekusaun ka implementasaun husi buat ruma, hanesan regra ka regulamentu sira durante períodu ruma.
  • Válidu: indika katak buat ruma iha konformidade ho regra ka kondisaun sira ne’ebé estabelese ona durante ninia vijénsia.
  • Vitalidade: bele uza atu deskreve kualidade ida, iha ne’ebé, iha tebes vigor ka forsa.
  • Durabilidade: refere ba iha kapasidade atu reziste tinan barak nia laran, buat ruma ne’ebé relevante bainhira konsidera buat ruma-nia vijénsia.

Leave a Reply