Jurista no iha asepsaun balun refere mós ba juriskonsultu, jurisperitu no mós, jurisprudente, mak ema ne’ebé assegura ona lisensiatura iha Direitu atu atua ka halo serbisu profissionalmente iha área ne’ebé relevante.

Iha esfera públika nian iha espésie oioin kona-ba profissaun jurista ninian hanesan assessor jurídiku (ne’ebé lisensiadu ka mestradu duni iha área Direitu nian), prokurador, juiz no defensor públiku. Iha sorin seluk, iha esfera privada nian mak hanesan advogadu sira.
Jurista ida iha sentidu restritu mak ema sira ne’ebé estuda, analiza no halo komentáriu ba lei sira, hanorin Direitu ka hakerek libru jurídiku sira, diferente ho advogadu sira iha ne’ebé halo assessoria no defende jurídikamente kliente sira no hanoin kona-ba Direitu iha termu prátiku sira.
Ema ida bele sai advogadu no aumezmu tempu nu’udar jurista, entretantu jurista fali la nesessariamente tenki sai mós nu’udar advogadu. Jurista iha koñesimentu amplu ka jeral kona-ba lei sira, iha ne’ebé nia serbisu mak atu halo estudu, análise kona-ba lei sira, entretantu advogadu fali mak atu halo defeza jurídika no assisténsia judisial ba ema sira.
Termu ida jurista atribui ninia origem ba sistema jurídiku romanu nian no ida ne’e eziste ona purvolta de sékulu IV a.K. iha ne’ebé ninia funsaun prinsipal mak atu publika norma sira no iha kazu balun halo mós interpretasaun. Nu’udar interpréte, ema hanaran sira jurisprudente ka juriskonsultu sira no sira estuda lei no hatán ba iha konsulta públika sira, solusiona kazu sira, ema sira ne’e ninia interpretasaun mak hamosu termu ida naran jurisprudénsia ne’e.
Se itaboot sira interessadu hakarak lee publikasaun sira seluk, bele klike iha artigu sira tuirmai ne’e:
Leave a Reply