Teoria Jeral Direitu Sivil

Teoria Jeral Direitu Sivil mak siénsia ida husi Direitu Privadu nian, iha ne’ebé kompostu husi teoria barbarak ne’ebé foku liu kona-ba área Direitu Sivil nian.

Matéria prinsipál iha área ida ne’e mak kona-ba relasaun sira ne’ebé estabelese entre ema partikulár sira no Estadu, iha ne’ebé Estadu la iha poder nu’udar autoridade (ius imperi) maibé iha pozisaun ida ne’ebé hanesan.

Bele dehan katak Direitu Sivil karaterizadu nu’udar Direitu Privadu Komun tanba, regula hotu mós relasaun privada sira ne’ebé la sujeita ba ramu Direitu Privadu espesífiku sira seluk purezemplu Direitu Komersial, Direitu Laboral nst. No ho ida ne’e ita bele konsidera katak Direitu Sivil sai nu’udar subsidiáriu ba Ramu Direitu sira ne’e ka ho liafuan seluk karik Direitu Sivil mak sai núkleu fundamental ba Direitu Privadu hotuhotu ne’ebé inkorpora iha Kódigu Sivil nia laran, liuliu husi kedas parte jeral ninian iha ne’ebé prinsípius jerais Direitu Sivil nian prevé ba.

Teoria Jerál Direitu Sivil nu’udar dixiplina ida atu hatene didi’ak ramu Direitu Sivil espesífiku sira hanesan Direitu Obrigasaun, Direitus Reais, Direitu Familia no Direitu Susessaun, ida ne’e tanba parte jerál mak prevé prinsípiu jeral sira (Libru I Kódigu Sivil Timor-Leste nian).

Trivia: Ramu katak sanak husi buat ruma, ezemplu ai-nia sanak, nst. Iha Direitu fahe ba sanak boot ne’e rua, Direitu Públiku no Direitu Privadu. Iha publikasaun ida ne’e sei ko’alia barak liu kona-ba Direitu Privadu, liuliu Direitu Sivíl.

Temátika Importante sira iha Teoria Jeral Direitu Sivil mak hanesan tuirmai ne’e:

Introdusaun

Teoria ba Direitu Objektivu Sira

Fonte Direitu Sivil nian

Saida mak Prinsípiu?

Teoria sira ba Relasaun Jurídika nian

Teoria ba Sujeitu sira

Ema singular sira

Ema koletiva sira

Teoria ba Objektu Sira

Teoria ba Faktu Jurídiku sira

Teoria ba Garantia sira

LEE HO LIAN PORTUGÉS

Leave a Reply